Ibyo dutanga
Umuryango mugari wihariye w'ababyeyi bafite intego - amasomo y'inzobere, ibirori by'imiryango, umwitozo wa yoga na meditation n'umwitozo ngaruka kwezi.
Byose bigutegereje muri uyu muryango mugari w'ababyeyi
Ibiganiro hagati y'ababyeyi
Kungurana ibitekerezo, kubaza no gusubiza ibibazo, gutanga inama, no kuganira kubiganiro mpaka mu bwisanzure, aho buri wese abona umwanya wo kuvuga icyo atekereza, gusangira ubunararibonye, no kwiga ku bitekerezo by'abandi mu buryo bwubaka kandi buri wese yisanga.
Inama z'ukwezi n'inzobere
Tugirana ibiganiro n'inzobere mu nzego zitandukanye zirimo ubuzima, gucunga umutungo, imyitozo ngororamubiri, imikorere y'ubwonko n'amarangamutima no kurera abana n'izindi, kugira ngo dusangire ubumenyi n'inama zifasha kwiteza imbere.
Ibirori by'ababyeyi n'abana
Ibihe byiza byateguwe kugira ngo imiryango ihure, irusheho gusabana, ikine, isangire ibyishimo, kandi ikurire hamwe mu buryo bwubaka.
Siporo ya yoga na meditation
Imyitozo yo gutuza kumubiri binyuze muri Yoga na Meditation igufasha kwita ku buzima bwawe bw'umubiri n'umutima, bikaguha ituze n'imbaraga zo kwita ku bana bawe neza.
Umutima w'umuryango mugari wacu
Twese turi kwiga
Turi hano kugira ngo twige, kandi twungurane ubumenyi kugira ngo turusheho kurera neza.
Twese turi kwigishanya
Ntabwo bisaba kuba inzobere kugira ngo ube hari icyo wakwigisha abandi, icyo usabwa ni ukuvugisha ukuri.
Ntitwihererana ibyiza
Ibyiza twungukira muri iyi community ntabwo tubyihererana, tubisangiza inshuti n'abavandimwe.
Ntidutinya kugerageza
Duharanira kuba abo twaremewe kubabo kuko ubushobozi twifitemo twaremewe kubukoresha kandi ntabwo waha umwana icyo udafite.
Tugira urugwiro
Buri wese muri twe ari mu rugendo rwihariye rw'ubuzima bwe kandi dufite ubumenyi butandukanye. Icyo dukeneye ni ubujyanama bwuje urugwiro, si ugucirwa urubanza.
Gahunda y'i cyumweru
19:00 – 21:00
Ubuhamya
Ababyeyi basangiza ihuriro ibyo bahura nabyo: ikintu cyabagoye mu nshingano zabo za kibyeyi, uko babinyuzemo, igisubizo babonye kikabafasha, n’ibindi. Ibyo wanyuzemo bishobora kubera undi mubyeyi isomo yari akeneye.
19:00 – 21:00
Impaka
Tuba dufite ingingo tujyaho impaka, uhitamo uruhande uhagazeho maze ugasobanura impamvu ariko ubyumva. Igitekerezo cyose gihabwa agaciro, nta gusebanya, nta gutukana, twese turubahana. Hanyuma, dusoza dufata umwanzuro ibiganiro byahurijeho.
19:00 – 21:00
Gukusanya ibitekerezo
Garagaza uko ubyumva usubiza poll cyangwa survey. Ibisubizo byawe bidufasha kwiyungura ubumenyi, tukamenya ibitanga umusaruro n’ibisubiza inyuma intego zacu zo kurera.
19:00 – 21:00
Umunsi wa Business & career
Tuganire ku mafaranga, ubucuruzi, kwihangira imirimo, akazi, connection n'ibindi bijyanye n'ibyo.
Umunsi wose
Gusangizanya amakuru y'ingenzi
Waba uzi creche nziza cyane, ivuriro ryizewe, icyanya abana bakiniramo cy'akataraboneka abantu benshi batazi, ikintu cyafasha ababyeyi cyangwa igitabo cyaguhinduriye ubuzima? Kidusangize hano.
Umunsi wose
Ibitekerezo byose
Waba ufite ibibazo, ibitekerezo, inama, umwanya ni uwawe. Saba ubufasha, cyangwa udusangize isomo wize mu buzima.
Umuryango ufunze
Umunsi wo kuruhuka n'umuryango
Uyu ni umwanya w'ikiruhuko ukwiriye. Sabana n'umuryango wawe nta birangaza bya telefone. Ni aho ku wa mbere!
Ubunyamuryango bworoshye kandi burambuye
Amafaranga y'ubunyamuryango
RWF15,000 / igihembwe (amezi 6)
30,000 / umwaka (amezi 12)
Ibindi byinshi
Ibi bikorwa byishyurwa ku ruhande, ntabwo bibarirwa mu mafranga y'ubunyamuryango.
- Inama z'ukwezi n'inzobere.
- siporo ya yoga na meditation.
- Ibirori by'ababyeyi n'abana (amafaranga y'ibirori byihariye yamamazwa mbere, bitewe n'ubwoko n'ahantu)
Tangira
Injira mu muryango mugari
Tangira urugendo rwawe rwo kurera n’abandi babyeyi uyu munsi, gerageza amasomo yacu, wisange mu muryango mugari wari ukeneye.
Sikana kugirango winjire mu muryango wacu wa WhatsApp, cyangwa ukande ku kode ufungure urubuga rw'ubutumire.